غیبت کا سرداب

زمانے کے سخت حالات اور ظالم حکمرانوں کے وجودکی وجہ سے آپ کی ولادت کو خفیہ رکھا گیا اور والد گرامی کی شہادت کے بعد آپ کی غیبت کا آغاز اسی گھر سے ہوا۔
اس گھر کے سرداب میں شیعوں کے تین آئمہ معصومین علیھم السلام کی موجودگی اورعبادت کی وجہ سے یہ گھر اور سرداب شیعوں کے نزدیک بہت مقدس جانا جاتاہے۔
اس کے علاوہ بعض کا یہ عقیدہ ہے کہ امام مہدی علیہ السلام کی غیبت بھی اسی سرداب سے شروع ہوئی تھی لہذا اسے سرداب غیبت کہاجاتاہے البتہ بعض لوگ اس بات کو تسلیم نہیں کرتے۔
البتہ والد گرامی کی زندگی میں آپ کی پوشیدہ ولادت اورزندگی اوراسی طرح والد کی شہادت کے ساتھ ہی آپ غیبت کا آغاز اور امامت کے عہدے پر فائز ہونے کی وجہ سے غیبت کے شروع ہونے کے مقام کے بارے میں کسی قسم کی رائے کا اظہار کرنا بہت مشکل ہے ۔ اس کے علاوہ یہ ایک فرعی مسئلہ ہے جو چیز اہم ہے وہ یہ ہے کہ ہمیں یقین ہے کہ غیبت کے دوران آنحضرت علیہ السلام لوگوں کے درمیان رہتے ہیں نہ یہ کہ امام زمانہ علیہ السلام ظہور کے زمانے تک سرداب میں مخفی ہیں۔