فرشته مقابل شيطان
.مثلاًانسان كے دل ميں كوئي مستحب امر ڈالتا هے تاكه اس سے كوئي واجب فوت هوجائے يافعل حرام سرزد هوجائے اور يافعل حرام ياگناه كو عبادت واطاعت كي شكل ميں اس كے سامنے پيش كرتاهے جسے وه كرگذرتاهے اور يا پھراسے كسي واجب پرآماده كرتاهے ليكن خود اس پر سوار رهتاهے حتي كه رياء اور غيرور كواس كے عمل داخل كركے اسے اس كے گناهوں كا حصه بناديتاهے.چونكه اس طرح كے شيطاني هتھكنڈے بهت خفيه اور پوشيده هوتے هيں اور انسان عموماً ان ميں گرفتار هوجاتا هے اس لئے ان كاجاننا بهت ضروري هے وضاحت كے لئے چند مثاليں پيش كي جاتي هيں.
1- نهي عن المنكر ميں ارتكاب منكر:ايك شخص كسي كو قبله روپيشاب كرتے هوئے ديكھتا هے بجائے اس كے كه يه سمجھے كه ممكن هے اسے اس عمل كه حرمت كه علم نه هوياعين ممكن هے كه اسے صحيح سمت كااندازه نه رها هو اور اسے اخلاق كے ساتھ مهذب اندا ز ميں سمجھاجائے كه روبقبله يا پشت بقبله پيشاب كرنا حرام هے اور اگر اسےسمت كاندازه نه تو صحيح سمت بتائے الٹاشيطان كي انگيخت سے اسے ڈانٹنا شروع كردے خوش خلاتي سے پيش آنے كي بجائے اس كے ساتھ بداخلاقي كرے اور بجائےاس كے كه اسے سمجھاجائے كه كھڑے هوكر پيشاب كرنے سے چھينٹے اڑ كر لباس كو نجس كرديتے هيں ،يه كهے كه كتے كي طرح كيوں پيشاب كررهاهےت ياڈانٹ ڈپٹ يابد زباني اور گالي گلوچ كے ساتھ اس سے مخاطب هوتو گناه كبيره كا مجرم هوگا او رنهي عن المنكر كرتا كرتا خود منكر كامرتكب هوجائيگا.
2- اولاد كي ديني تربيت:ايك شخص كابيٹانماز نهيں پڑھتا.اس كا سب سے پهلے يه فرض هے كه اسے نصحيت كرے اور نرمي اور شفقت سےاسے نماز پرآماده كرے اور اگر ابتداء هي سے اس نے انهيں ڈانٹ ڈپٹ شروع كردي ،جسماني سزادي يا گھرسے نكال ديا،يا اس كا خرچ بند كرديا تو وه چوري كرنے لگے گا اور آواره واوباش لوگوں كي صحبت اختيار كرے گا.ايسي صورت ميں باپ گناه گار هوگا بلكه عبادت اور نهيں عن المنكر كے نقطه نگاه سے گناه كبيره كا مجرم هوگا.
3- رياكارانه تلاوت:ايك شخص كي آواز اچھي هے اور تجويد كے اصول كے مطابق خوش الحاني سے تلاوت كرتاهے .شيطان اسے اكساتاهے كے كه بآواز بلند پڑھ تاكه لوگ زياده مستفيد هوں اور طرفين كوثواب حاصل هو.ليكن چونكه اس كه يه تلاوت شيطان كي اكساهٹ كي وجه سے هے اور وه تلاوت كے دوران اس كے نفس پر سوار رهتاهے لهذا بجائے اس كے كه وه الله تعالٰي كي قربت جوئي كے لئے تلاوت كرے،اپني خوش آوازي كي نمائش اورلوگوں كي تحسين وآفرين سے لذت اندوزي كے لئے قرآن پاك پڑھتاهے.اس طرح نه صرف وه ايك نهايت مستحب عمل كے ثواب سے محروم هوجاتاهے بلكه شيطان كي انگيخت پرريا،كامرتكب هوكر گناهگار و مردود هوجاتاهے.
4- منبر ومحراب – بازي گاه ابليس:ايك شخص علوم ديني سے بهره مندهے.شيطان اسے تلقين كرتا هے كه قلم كے ذريعے لوگوں كي راهنمائي كراو ر مشكل سوالات كے جواب دے .ليكن اس كے دل ميں شهرت طلبي اور اپنے علم كي نمائش كاداعيه پيدا كرديتاهے.وه كتاب لكھتاهے جو يقيناً ايك ديني خدمت هے ليكن الله تعالٰي كے حضور اس كي خدمت قطعا ناقبول هے اور اس كي عاقبت كے لئے مضر هے.ايك دوسرے عالم سے جو اهل نطق وبيان هے،ابليس كهتاهے كه محراب ومنبر بني اور امام كامقام هے اور توانهيں كاجانشين هے.تجھے چاهئے كه دنياكي راهنمائي كرے،انهيں نماز اور ديگر عبادات كے ثواب سے آگاه كرے اور خداترسي، تقويٰ اور توكل پرآماده كرے ليكن اس كے ساتھ ساتھ اس كے نفس ميں جاه طلبي مال اندوزي ،مريد سازي اور دنيا كي تحسين وآفرين كي محبت راسخ كرديتاهے .اس طرح جوں جوں محراب ومنبر ميں اس كي دلچسپي ميں اضافه هوتاهے،توں توں اس كے درجات ميں تنزل واقع هوتاهے اور نتيجتاً مبري كي سيڑھياں هي اس كے لئے دركات جهنم بن جاتي هيں.اور محراب اس كے لئے دوزخ كا گڑھاثابت هوتاهے.
5- زن بيگانه كے ساتھ خلوت:نامحرم عورت سے تنهائي ميں هر قابل تصور گناه ممكن هے شيطان هميشه اس موقعے كي تاك ميں رهتاهے كيونكه يه صورت حال انسان كي تباهي كي كوششوں ميں كاميابي كے لئے اس كي بڑي معاون ثابت هوتي هے اور وه اسے حرام وهلاكت ميں مبتلا كئے بغير نهيں چھوڑتا.انسان كو سمجھنا چاهئے كه نامحرم كے ساتھ خلوت جهاں فساد كا انديشه هو قطعا حرام هےخواه وه عبادت هي كے لئے يكجا هوں.ايسي صورت ميں ان كي نماز بھي باطل هے.اجنبي عوت كے ساتھ خلوت كے فساد كو سمجھنے كے لئے مجلس هشتم ميں داستان برصيصائے عابد پرغور كريں.
خيروشركا ميزان شرع مقدس هے:اگر كها جائے كه اس طرح تو كسي بھي فكر پر جوانسان كے دل ميں گذرے عمل نهيں كرناچاهئے كيونكه ممكن هے كه وه شيطاني هو.يا اگر وه رحماني بھي هو تو بھي احتمال هے كه وه انسان كے نفس پرتسلط پاكر اس كے عمل كو فاسد كركے اسے گناه بنادے.جواب يه هے كه ان گذارشات كا مقصد خدانخواسته يه نهيں هے كه اعمال صالحه اور عبادات واطاعت خداوندي كو ترك كياجائے بلكه مطلب صرف يه هے كه شرشيطان سے الله تعالٰي كے حضور استعاذه كي حالت وكيفيت پيدا كي جائے.اس مطلب كي وضاحت كے لئے يه كهنا ضروري هے كه هروه فكر جوانساني دل پروارد هواسےميزان شريعت ميں تولنا چاهئے اگر امر خداكے مطابق ثابت هو توپھر وسوسه شيطاني سے خبردار ره كر خالصتاً الله تعالٰي كي رضاجوئي كے لئے اسے انجام دينا چاهئے .يه بهت ضروري هے كيونكه شيطان هميشه انسان كي گھات ميں هےوه كبھي گوار نهيں كرسكتاكه وه عبادت كے ذريعے الله تعالٰي كا قرب حاصل كرسكے.
علاج استعاذه حقيقي هے:اس كاعلاج صرف يه هے كه شيطان سے دوري اور فرار اختيار كياجائے اور الله تعالٰي كے حضور اس كے شرسے پناه طلب كي جائے.لهذا انسان پرلازم هے كه هر عمل خير كي ابتداء ميں خواه وه مستحب هو ياواجب ته دل سے استعاذه كرے اور>اعوذبالله من الشيطان الرجيم”اس طريقے سےكهے كه دل بھي پورے طور پرزبان كے ساتھ همنوا هو.خلاصه يه كه خوش انجام علم جس كے شرعي هونے كے بارے ميں انسان كو پورا يقين هو،فوري طور پر بلاپس وپيش انجام دينا چاهئے ليكن دوران عمل ميں شرشيطان سے الله تعالٰي كے حضور پناه طلبي جاري رهے تاكه عمل كا صحيح طريقے سے سر انجام هو اور الله تعالٰي كے قربت اور ثواب آخرت حاصل هو.
قرآن مجيد ميں شيطان كي پهچان:پروردگار عالم نے قرآن ميں كئي جگه شيطان كو انسان كے دشمن كي حيثيت سے روشناس كرايا هے اور انسا ن كو اس كے مكروفريب سے خبردار كركے اسےاس دور رهنے اور اسے اپنا دشمن سمجھنے كي هدايت فرمائي هے:> إِنَّما يَأْمُرُكُمْ بِالسُّوءِ وَ الْفَحْشاءِ وَ أَنْ تَقُولُوا عَلَى اللَّهِ ما لا تَعْلَمُون< وہ بس تمہیں بدعملی اور بدکاری کا حکم دیتا ہے اوراس بات پر آمادہ کرتاہے کہ خدا کے خلاف جہالت کی باتیں کرتے رہو.>ِ أَ فَتَتَّخِذُونَهُ وَ ذُرِّيَّتَهُ أَوْلِياءَ مِنْ دُوني وَ هُمْ لَكُمْ عَدُو< کیا تم لوگ مجھے چھوڑ کر شیطان اور اس کی اولاد کو اپنا سرپرست بنا رہے ہو جب کہ وہ سب تمہارے دشمن ہیں.>إِنَّ الشَّيْطانَ لَكُمْ عَدُوٌّ فَاتَّخِذُوهُ عَدُوًّا< بیشک شیطان تمہارا دشمن ہے تو اسے دشمن سمجھو.>أَ لَمْ أَعْهَدْ إِلَيْكُمْ يا بَني آدَمَ أَنْ لا تَعْبُدُوا الشَّيْطانَ إِنَّهُ لَكُمْ عَدُوٌّ مُبينٌ <اے اولاد آدم کیا ہم نے تم سے اس بات کا عہد نہیں لیا تھا کہ خبردار شیطان کی عبادت نہ کرنا کہ وہ تمہارا کِھلا ہوا دشمن ہے.لهذا جوشخص خدا ور سولﷺ اور قرآن پرايمان ركھتاهے اسے چاهئے شيطان كي دشمني كو اپني ذات پر واجب سمجھے اور اس كي دوستي كو مهلك جانے.ان بيانات سے بخوبي واضح هے كه شيطان كي دوستي سے مراد اس كي وسوسه اندازي اور اس كے احكام كي تعميل هے اور اس كي دشمني سے مراد اس كي جمله انگخيتوں كي مخالفت اور اس كے احكام و وساوس سے سركشي هے.
شيطان كي مخالفت بهت مشكل كام هے:چونكه شيطان كي انگخيتيں اور اس كے احكام ووساس انسان كي نفساني خواهشات،اس كے فطري تقاضوں اور حيواني شهوات كے مطابق هوتے هيں اس لئے ان كي مخالفت سخت مشكل اور نفس پربڑي ناگوار هوتي هے.مثلاًاگر كوئي شخص شهد كا بهت رسياهو اور شهد اس كے پاس موجودبھي هو.ليكن جب وه اسے كھانا چاهئے تو ايك حاذق حكيم جو اتفاقاًوهاں موجود هے اسے بتائے كه شهد اس كے لئے مضرهے او راس سے پرهيز كرنے كي هدايت كرے ليكن كوئي دوسرا شخص كهے كه يه كهاں كا طبيب هے اور كيسي اس كي تشخيص هے كه شهد سے منع كرتاهے.در اصل وه شهد كے بارے ميں تم سے حسد كرتاهے.ميرےخيال ميں شهد تمهارے لئے نعمت سے كم نهيں …وغيره..تو ايسي صورت ميں طبيب كي باتوں په كون كان دھرے گا.يا كوئي جوان آدمي كسي بيگانه جوان عورت كے ساتھ آزادا نه خلوت ميں بيٹھا هو اور ادھر سے شيطان ملعون بھي دونوں كو فعل حرام كي ترغيب وتحريض ميں اپني قوت صرف كررهاهو تو ايسي حالت ميں شيطان كي مخالفت اورفكر رحماني كي پيروي بهت مشكل كام هے.
عمرسعد او رشيطاني ورحماني فكر:چنانچه عمربن سعد نے جوسخت دنيادار اور حكومت ورياست كالالچي تھا شيطاني فكر كو كه امام حسين كے ساتھ جنگ كے عوض رے كي حكومت ملے گي،انساني شيطان عبيدالله ابن زياد كےذريعے قبول كرليا ليكن رحماني فكر يعني سيدالشهداء كے ساتھ جنگ سے بازرهنے كو جيساكه اس كے باپ سعدوقاص كےدوست كامل كے ذريعے اسے اشاره هوا،قبول نه كيا(كتب مقاتل ميں اس كي تفصيل موجودهے)اور اس كي نصحيتوں كو جو اس كے اپنے ميلان طبع كے خلاف تھيں ردكرديا.
شيطان كاكام شهوات پراكسانا هے:جس طرح بھوكا كتا اس جگه كو نهيں چھوڑتاجهاں مردار اور هڈياں هوں اسي طرح وه دل جس ميں حب دنيا اور شهوات نفساني كي گندگي هوگي شيطان اسے نهيں چھوڑےگا.اور اس سے صحت واخلاص كے ساتھ كوئي عمل سرزد نهيں هونے دے گا.همارے اس بيان سے يه ثابت هوتاهے كه انسان كي هلاكت كاباعث اس كي هوائے نفس هے او رشيطان كاكام يه هے كه اس كي تكميل و تعميل پر اسے اكسائے اور اس كے شوق ورغبت ميں شدت پيدا كرے.>وَ قالَ الشَّيْطانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَ وَعَدْتُكُمْ فَأَخْلَفْتُكُمْ وَ ما كانَ لِيَ عَلَيْكُمْ مِنْ سُلْطانٍ إِلاَّ أَنْ دَعَوْتُكُمْ فَاسْتَجَبْتُمْ لي فَلا تَلُومُوني وَ لُومُوا أَنْفُسَكُمْ ما أَنَا بِمُصْرِخِكُمْ وَ ما أَنْتُمْ بِمُصْرِخِيَّ إِنِّي كَفَرْتُ بِما أَشْرَكْتُمُونِ مِنْ قَبْلُ إِنَّ الظَّالِمينَ لَهُمْ عَذابٌ أَليمٌ< رز حشر جب سب فيصلے هوچكيں گے (اور شیطان تمام امور کا فیصلہ ہوجانے کے بعد کہے گا کہ اللہ نے تم سے بالکل برحق وعدہ کیا تھا اور میں نے بھی ایک وعدہ کیا تھا پھر میں نے اپنے وعدہ کی مخالفت کی اور میرا تمہارے اوپر کوئی زور بھی نہیں تھا سوائے اس کے کہ میں نے تمہیں دعوت دی اور تم نے اسے قبول کرلیا تو اب تم میری ملامت نہ کرو بلکہ اپنے نفس کی ملامت کرو کہ نہ میں تمہاری فریاد رسی کرسکتا ہوں نہ تم میری فریاد کو پہنچ سکتے ہو میں تو پہلے ہی سے اس بات سے بیزار ہوں کہ تم نے مجھے اس کا شریک بنا دیا اور بیشک ظالمین کے لئے بہت بڑا دردناک عذاب ہے .مختصر يه كه انسان كي هلاكت ميں شيطان كے عمل دخل كابڑا سبب انسان كي اپني نفساني خواهشات هيں.دوسرے الفاظ ميں انسان كا داخلي دشمن يعني اس كا نفس اور اس كا خارجي دشمن شيطان دونوں مل كر انسان كو بے بس اور مجبور كرديتے هيں.
فريادرس بے چارگان:ليكن اگر اس حال ميں انسان اپنے خدا كي طرف متوجه هو،اسے اپني بے بسي وبے چارگي كاواسطه دے كر شيطان سے اس كي پناه طلب كرے اور اس كے مقابلے كي طاقت مانگے تو الله تعالٰي يقيناً اس كي فرياد سنے گا اور اسےدشمن پر غالب آنے كي همت وتوفيق عطافرمائے گا.> أَمَّنْ يُجِيبُ الْمُضْطَرَّ إِذا دَعاهُ وَ يَكْشِفُ السُّوءَ<الله تعالٰي بيچاروں كي فرياد سنتاهے او رانهيں مصيبت سے نجات ديتاهے.سيد سجادكي دعا كے الفاظ يه هيں:”وَ لا يُجِيرُ مِنْ عِقَابِكَ إِلَّا رَحْمَتُكَ، وَ لَا يُنْجِينِي مِنْكَ إِلَّا التَّضَرُّعُ إِلَيْكَ وَ بَيْنَ يَدَيْكَ” تيرے عذاب سے مجھے صرف تيري رحمت بچاسكتي هے يا ميري عاجزي وزاري نجات دے سكتي هے.(صحيفه سجاديه:دعائے جمعه)ايك دوسري عاد ميں عرض كرتے هيں:”نَحْنُ الْمُضْطَرُّونَ الَّذِينَ أَوْجَبْتَ إِجَابَتَهُمْ، وَ أَهْلُ السُّوءِ الَّذِينَ وَعَدْتَ الْكَشْفَ عَنْهُم”هم وه بے بس هيں جنكي فرياد رسي تونے خود پر واجب فرمائي هے اور وه مصيبت زده هيں جنكي نجات كا تونے وعده فرماياهے.پھر ايك دعا كي الفاظ يوں هيں:”قَدْ مَلَكَ الشَّيْطَانُ عِنَانِي فِي سُوءِ الظَّنِّ وَ ضَعْفِ الْيَقِينِ، فَأَنَا أَشْكُو سُوءَ مُجَاوَرَتِهِ لِي، وَ طَاعَةَ نَفْسِي لَهُ، وَ أَسْتَعْصِمُكَ مِنْ مَلَكَتِهِ، وَ أَتَضَرَّعُ إِلَيْكَ فِي صَرْفِ كَيْدِهِ عَنِّي.”بدكماني اور صعف يقين كي وجه سے شيطان نےميري مهارت لي هےميں اس كي بڑي همسائيگي سے نالاں هوں اور قرياد كرتاهوں ميرا نفس اس كي اطاعت ميں قيدهوگيا هے،اس كے تسلط سےميں تيري پنا ه كا طالب هوں اور عاجزانه لتجاء كرتاهوں كه اس دام فريب سے مجھے رهائي عطا فرما.
عجز ونياز بدرگاره ايزدي:شرشيطان سے نجات كاتنها ذريعه بارگاه الٰي ميں تضرع وزاري هے اورالله تعالٰي عاجزي سے فرياد كرنے والے كي ضرور دستگيري فرماتاهے.ارشاد ب العزت هے:.>فَلَوْ لا إِذْ جاءَهُمْ بَأْسُنا تَضَرَّعُوا وَ لكِنْ قَسَتْ قُلُوبُهُمْ وَ زَيَّنَ لَهُمُ الشَّيْطانُ ما كانُوا يَعْمَلُون< پھر ان سختیوں کے بعد انہوں نے کیوں فریاد نہیں کی بات یہ ہے کہ ان کے دل سخت ہوگئے ہیں اور شیطان نے ان کے اعمال کو ان کے لئے آراستہ کردیا ہے.يعني اگر گرفتار بلاهوتے وقت الله تعالي و ياد كرتے اورخودكواس كا محتاج ونيازمند سمجھ كر اس كےحضور عاجزي اورزاري كرتے تووهضرور انهيں نجات بخشتاليكن شيطان نےان كوياد سےبازركھا اور وه شهوات نفساني ميں سرگرم هوگئے.جوشخص الله تعاليٰ كو فراموش كرديتاهے ،حصول منفعت اور دفع مضرت كے لئے صرف اسباب پر بھروسه كرتاهے اور الله تعالٰي كے حضور تضرع وزاري كو غير ضروري سمجھتاهے وه بوقت مصيبت الله تعالٰي كي نظر كرم سےمحروم هوجاتاهے اپنے دشمن كے شرسے خود كومحفوظ نهيں ركھ سكتا.
سرگذشت يوسف:حضرت يوسف كي داستان اور آپ كازليخا كے ساتھ خلوت ميں گرفتار هوجانا اهل نظر كے لئے ملحه فكريه مها كرنے والاواقعه هے.زليخا كےدام تيزوتيرسے بچنے كے لئے آپ انتهائي بے بس كے عالم ميں الله تعالٰي كے حضور پناه طلب هوئے اور ذات باري تعالٰي نے انهيں عجيب طريقے سے نجات بخشي اور قرآن مجيد كا ايك پورا سوره ان كے ذكر كے لئے مخصوص فرمايا تاكه مسلمان اس سے نصيب وعبرت حاصل كريں.اور مصيبت كے وقت ان كے نقش قدم پر چل كر نجات پاسكيں يه سورۀ شريفه سعادت اورنيك بختي تك پهنچنے كےلئے ايك رهنمادستور هے .الله تعالٰي نے ايسي داستانوں كو صاحبان عقل كےلئے وجه عبرت بناياهے .> لَقَدْ كانَ في قَصَصِهِمْ عِبْرَةٌ لِأُولِي الْأَلْباب< یقینا ان کے واقعات میں صاحبانِ عقل کے لئے سامان عبرت ہے.(يوسف:111)مناسب هے كه داستان يوسف كے اس موضوع سےمتعلق حصے كامختصر ذكر كياجائے.
عشق كےسامنے بےبس:هرچند كه يوسف بظاهر عزيز مصر كے زرخريد غلام تھے ليكن حسن صورت ،پر وقار شخصيت اور عظمت كرداري كي وجه سے عزيز مصر كي نظروں ميں بهت مكرم ومحترم تھے عزت واكرام كے ساتھ قصر شاهي ميں رهتے تھے اور وهيں سن رشد كو پهنچے اور جوان هوئے عزيز نے اپني ملكه زليخا سے ان كے بارے ميں نيك رفتاري كي سفارش كي هوئي تھي.زليخا اپنے شوهر كي سفارض كے علاوه بھي ان كے حسن و جمال اور خوش سيرتي كي وجه سے ان پر فريفته تھي اور انهيں بهت محبوب ركھتي تھي اور جب وه جوان هوئے تو ان پر مرمٹي اور اپنے جذبات پر قابونه ركھ سكي اور ان كے عشق ميں ديواني هوگئي محبت كا طوفان سلطنت كے رعب وجلال كو خس وخاشاك كي طرح بهالے گيا اور وه اپنے نام نهاد غلام كے آگے بےبس هوگئي .اور هر لحظه وصال كي تدبيروں ميں مصرف رهنے لگي ليكن جتني بھي اس نے كوشش كي كه دلربايا نه كه شموں ،شهوت انگيز اشاروں اور اپنے حسن كي نمائش سے يوسف كے دل كو شكار كرلے كامياب نه هوسكي اور آپ كي طرف سے اسے خاموشي اوربے التفاتي كے سواكچھ بھي حاصل نه هوا.
دلداده حسن حقيقي:حضرت يوسف شهوات حيواني سے آزاد وبے نياز اورعشق خداندي سے سرشار تھے اور حسن مطلق كے نظاورں ميں اتنے وارفته تھے كه جزئ،عارضي اورفاني حسن سےمتاثر نهيں هوسكتےتھے.زليخا ان كي ترغيب و تحريص كي انتهائي كوششوں ميں شكست فاش كھاكر بے تاب هوگئي ا س ميں تاب صبر وشكيبا نه رهي اور جذبات كےهاتھوں لاچار هوكر اس نے آخر ي قدم اٹھانے كا فيصله كرليا.اپنے محل كے ايك دوسرے كے ساتھ ملحق كمروں ميں سے آخري كمرے كواس نے تخليه گه بنايا اور اسے انتهائي زينت وآرائش ديكر اس ميں شهوت انگيزي كے پورے محركات مهيا كئے پھر خود كو انتهائي حسن اور جواني كے بھرپور جوبن ميں تھي شهوت انگيزانه انداز ميں پورے آراسته كركے كمرے كے پردے لٹكاديے اور يوسف كو اپنے پاس بلايا.اسے پورايقين او رعتماد تھا كه يوسف آج ضرور اس كے حسن كي چكاچوندسے مسحور هوجائيں گے اوراس كي خواهش كي تكميل سےسرتابينه كرسكيں گے.اور پھر وه اس كے زرخريد غلام بھي توتھے.!آپ كے داخل هوتے هي اس نے كمرے كے دروازے بندكرلئے اور اپنا آپ پوري اشتغال انگيزيوں اور عنائيوں كے ساتھ انهيں پيش كيا اور پھر حاكمانه انداز ميں انهيں كها “وَ غَلَّقَتِ الْأَبْوابَ وَ قالَتْ هَيْتَ لَك”آو مير خواهش پوري كرو.
الله كے سواكوئي مدد گار نهيں:اس مقام پر يوسف كے حال پر غور كريں كه آپ كتني بڑي هلاكت ،تباه كن حادثے سےدوچار اور كتنے عظيم الشان اور سخت امتحان ميں مبتلا هوگئے تھے .ايك طرف حسن وشباب سے كمك يافته صف بسته فطري حيواني تقاضے ، شهواني انگيختيں اور دشمن صبر وشيكب ماحول اور دوسري طرف عزيز مصر كي خوبروبيوي كي بے باكانه وبے تكلفانه ارو مالكانه تحكم كے ساتھ بے دريغ دعوت گناه اور كسي مانع كي غير موجودگي سچ تو يه هے كه الله تعالٰي كي قوت وقدرت كے سواكوئي بچانے والانهيں تھا.ليكن يوسف كه جن كادل ايمان بالله سے لبريز اور اس كي محبت ميں سرشار هے،مخلوق كي شريرخواهش كو خاطر ميں نهيں لاتے اور اس لغزش ناك حادثه سے ان كا پائے ثبات متاثر نهيں هوتا خود كو پوري شعور ي كوشش سے قابوميں ركھتے هيں اور الله تعالٰي كے حضور شيطان كے اس شرعظيم سے پناه طلب هوتےهيں.
الله تعالٰي كےحضور آپ كااستعاذه:اس مقام پر آپ نے فرمايا:> َ قالَ مَعاذَ اللَّهِ إِنَّهُ رَبِّي أَحْسَنَ مَثْوايَ إِنَّهُ لا يُفْلِحُ الظَّالِمُونَ < (يوسف :23) یوسف نے کہا کہ معاذ اللہ وہ میرا مالک ہے اس نے مجھے اچھی طرح رکھا ہے اور ظلم کرنے والے کبھی کامیاب نہیں ہوتے.(نه تو هے اے زليخا اور نه تيرا شوهر)وهي ميرے جمله امور كا مالك هے اس نےميرے مقام كو عزت بنايا اور مجھے خوش بخت اور نجات يافته قرارديا وه ظالموں كو كبھي سرخرونهيں كرتا).يعني تيري اور تيرے شوهر كي طرف سے ميرااكرام واحترام اور عزت افزائي درحقيقت الله تعالٰي هي كي مشئيت وتدبير سم هے اور اسي نے تم لوگوں كو اس پر مائل فرمايا هے لهذا مجھے اسي كي فرمابرداري اور اطاعت كرني چاهئے اور تيرے دام فريب حسن سے نجات پانے كے لئے اسي كي طرف متوجه هونا چاهئے اور چونكه تيري خواشه شيطاني هے اور الله تعالٰي كي نافرماني كو مستلزم هے لهذا مجھ سے هرگز پوري نه هوگي.كيونكه اس منعم حقيقي كے اتنے احسانات كےبعد جو اس نے بلاواسطه ياتم لوگوں كے ذريعےت سے مجھ پرفرمائے هيں اس كے احكام سے سرتابي بهت ظلم هے جومجھ سےهرگز سرزدنه هوگا كيونكه ظالم لوگ الله تعالٰي كے دشمن هيں اور وه نجات سے قطعا محروم رهيں گے.
حقيقي پناه گاه:يوسف جو الله تعالٰي كے مخلص بندے اور اس كے عاشق صادق تھے اس پر لغزش حادثے پر الله تعالٰي كے حصور پناه طلب هوئے اور اسي سے اس شرعظيم كےدفعيئے كے لئے مدد خواه هوئے ذات باري نے بھي ان كے نورايمان ومعرفت سے پردل كو ايسي قوت بخشي كه نه صرف يه كه وه گناه كے نزديك نه گئے بلكه اس كے قصد واراده سے بھي محفوظ رهے ارو زليخا كي تمام ترهيجان انگيز كوششيں،ايمان وتقويٰ شكن تدبيريں مالكانه تحكم ،كوئي حربه بھي ان پر كارگر نه هوا بلكه اس كے شرسے بچنے كے لئے وه دروازے كي طرف دوڑے.زليخا نے ان كا پيچھا كياليكن آپ اس سے پهلے دروازے تك پهنچ گئے .مست مے شهوت زليخا نے آپ كا قميص پكڑليا تاكه آپ كا هاتھ دروازے تك نه پهنچ جائے.اس كھينچاتاني ميں آپ كے تعاقب ميں دوڑي ليكن رستے ميں عزيز مصر كھڑا تھا…زليخا نے پهلي كرتے هوئے خود كو شوهر كے سامنے بےگناه ثابت كرنے كے لئے يوسف پربدنيتي اور دست درازي كا الزام لگاديا .اور عزيز سے آپ كي سزاياقيد كامطالبه كيا.اب يوسف كو حقيقت بتاني پڑي .آپ نے عزيز مصر كو بتاديا كه خود زليخا كاارده انكے ساتھ بدي كا تھا.پنگوڑے ميں موجود ايك شيرخوار بچے كو الله تعالٰي نے گويائي عطافرمائي اس نے كها اگر يوسف كا قميص آگے سے پھٹا همتو يوسف قصوروار هيں اور اگر وه پيچھے سے پھٹا هو اهے تو زليخا مجرم هے .يه گواهي يوسف كے حق ميں گئي اور الله تعالٰي نے آپ كو مصيبت سے نجات دي.> كَذلِكَ لِنَصْرِفَ عَنْهُ السُّوءَ وَ الْفَحْشاءَ إِنَّهُ مِنْ عِبادِنَا الْمُخْلَصينَ) <يوسف:24) یہ تو ہم نے اس طرح کا انتظام کیا کہ ان سے برائی اور بدکاری کا رخ موڑ دیں کہ وہ ہمارے مخلص بندوں میں سے تھے.
مزيد امتحان:اشراف مصر كي چند بگيات نے زليخا كو ايك غلام كے عشق ميں متبلا هوجانے پر ملامت كي زليخانے ان پر يه ثابت كرنے كي تدبير كي كه اس ميں اس كا كوئي قصور نهيں بلكه يوسف كے مردانه حسن وجمال كے سامنے كوئي بھي مغرور سےمغرور عورت اپنے هوش وحواس قائم نهيں ركھ سكتي ،اور اگر وه خود بھي انهيں ايك نظر ديكھ ليں گي تو ان كا ساراغرور حسن خاك ميں مل جائے گا اور وه يوسف كے عشق ميںاندھي هوجائيں گي.اس نے سب ملامت كرنے واليوں كي دعوت كي اورضيافت كے عين درميان يوسف كو بلابھيجا جب آپ آئے تو انهوں نے آپ كو ديكھ كر پهلي هي نظر ميں هوش وحواس كھودے اور ان كے عشق ميں مبتلا هوكر اسقدر بد حواس هوگيئں كه هاتھوں ميں پكڑي هوئي نارنجيوں كو كاٹنے كي بجائے اپنےهاتھ زخمي كرلئے يهاں يوسف پرابتلاء سخت ترهوگئي .اگر پهلے صرف زليخا كاسامنا تھا تو آپ محفل ضيافت ميں موجود تمام حسين وجوان عورتوں كے چنگل ميں پھنس گئے كيونكه انهوں نے بھي آپ سےزليخا هي والامطالبه كرديا.آپ نے بے بس هوكر الله تعالٰي كے حضور تضرع و زاري كي كه ائے پروردگار ان عورتوں كے شرسے مجھے محفوظ فرمااگر تونے(ميرے نور علم اور يقين قلبي كو) نه بچايا توميں اس دام ميں پھنس كر جاهلوں ميں سے هوجاوں گا.> ِ وَ إِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَ أَكُنْ مِنَ الْجاهِلِين< اور اگر تو ان کے مکر کو میری طرف سے موڑ نہ دے گا تو میں ان کی طرف مائل ہوسکتا ہوں اور میرا شمار بھی جاہلوں میں ہوسکتا ہے.الله تعالٰي نے آپ كو شرشيطان سے اپني پناه ميں ركھا اور آپ كے دل كو نوريقين سےايسي قوت عطافرمائي كه وه ان سب پر غالب آئے اور ان كا فريب ناكام هوا حتي كه آپ زندان خانے ميں جانے كے لئے توتيار هوگئے ليكن ان عورتوں كي خواهش كے آگے نهيں جھكے >. فَاسْتَجابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّميعُ الْعَليمُ< تو ان کے پروردگار نے ان کی بات قبول کرلی اور ان عورتوں کے مکر کو پھیر دیا کہ وہ سب کی سننے والا اور سب کا جاننے والا ہے(فرياد ديوں كي فريادسنتا هے اور پوشيده امور كا دانا هے).
داستان عبرت:اگر اس داستان كو اچھي طرح سمجھ ليا جائے تو هر وه شخص جو الله تعالٰي پر كامل ايمان ركھتاهے،جب بھي اس پرهوائے نفس ياشياطين جن و انس كےوسوسوں كا غلبه او ردباؤهو اور وه اسے الله تعالٰي كين نافرماني پر اكسائيں تو وه اپنے پزوردگار كے حضور پناه كا طالب هوگا اور اس سے شرشيطان سےنجات كي دعاكرے گا .اور الله تعالٰي اس كي دعا كوشرف قبوليت سے نواز تے هوئے اس شرسے اس كي حفاظت فرمائے گا.اس بحث كے خاتمے پر هم آپ كو جناب اميرالمؤمنين حضرت علي كي ايك سفارش كي طرف متوجه كرتے هيں.
استعاذه علي:نوف بكالي كهتے هيں ميں نے جناب امير كو ديكھا كه شهر سے نكل كرتيزتيز قدم اٹھاتے هوئے صحراء كو تشريف لے جارهے هيں ميں نےعرض كيا مولا كهاں كا اراده هے تو آپ نے فرمايا اے نوف مجھے جانے دے ميري تمنائيں ارو احتياجات مجھے محبوب حقيقي كي طرف بلارهي هيں.ميں نے عرض كيا مولاآپ كي آرزوئيں كيا هيں. تو آپ نے فرمايا الله تعالٰي جوميري اميد وآرزوكا مركزهيں وه خود انهيں خوب جانتاهے اور اس كے غيركوان كا بتانا ضروري نهيں اورباادب بندے كو نه چاهئے كه اپني ينازمند يوں كے بارے ميں كسي دوسرے كو اپنے پروردگار كے ساتھ شريك ٹھهرئے.پس ميں عرض كيا اے اميرالمؤمنين ميں اپنے آپ ميں انديشه ناك هوں كه هروقت دنيا اور مال دنيا كےجمع كرنے اور اپني توجهات كو دنيا كے نمودونمائش پرمركوز كرنے ميں سرگرم رهنے كي وجه سے سعادت اخروي سے محروم نه هوجاؤں.آپ نے فرمايا:اس رب كريم كے دامن رحمت سے وابسته هوجوخو فزدوں كامحافظ او رعارفوں كي پناه گاه هے .ميں نے عرض كيا مولا: اس كي بارگاه كرم تك ميري زهنمائي فرمائيے.آپ نے فرمايا:وه خدا رحيم وبزرگ وبرتركسي كومايوس نهيں كرتا پس صدق دل اور پورے عزم واراده كے ساتھ اس كي طرف متوجه هوتاكه اس كے فضل عميم اور لطف كريم سے تو اپنے مقصدتك رسائي حاصل كرے.(بحارالانوار :جلد19،كتاب الدعا،باب ادعية المناجاة)